打完第二針 BioNTech，今日排隊時間半個多小時，人數明顯較上次為多，有老有後生，同埋有唔少外籍人士。
到臨門打針前一刻，負責打針嘅護士攞起我個身份證，對著電腦畫面，逐字檢查名字及身份證號碼，確保資料無錯，並多次提及呢支係復必泰。
不過我都要講句，其實上個月打第一針時，無論係負責登記嘅職員，帶位嘅職員，同埋打針嘅護士，都有同我講過好多次打乜針。
打完針後，同護士閒聊幾句，講起有人打錯針嘅事情。護士話：「我都唔知佢哋（科興疫苗接種中心）點樣運作，佢哋個承辦商係另一間叫中卓，同我哋呢邊唔同。」
護士提及：「我哋一向都有對足啲資料啦，有時我都驚人哋覺得我哋長氣（一笑）。」
言下之意心領神會。
Search